:· O Consello d'a Chobentú

O Consello d'a Chobentú de Uesca ye una entidá independién e democratica que naxié en 1985. En tién un carauter zebil, no pas gubernamental, entreasoziatibo, no pas ta fer ganancias e aconfesional.
Entre os suyos fins feguran: premitir a partezipazión d'a chobentú en tot o que afeute á lo suyo desembolique global; esfender os intreses e dreitos d'os chóbens; fer onra e cordinar l'asoziazionismo chobenil; o fer de organismo de rilazión en temas de chobentú con as almenistrazions publicas y espezialmén con o Conzello de Uesca.

Son ocheutibos d'o CChU:

- Autuar como ripresentán d'a chobentú debán de l'almenistrazión monezipal e atras enstituzions, ta refincar qu'os chóbens sigan ascuitatos en aqueras dezisions e matieras que lis afeuten.
- Fomentar a comunicación, rilazión y entrecambeo entre as esferens asoziazions chobenils de Uesca.
- Ser una mena de meyo de espardimiento d'as esferens custions rilazionatas con a chobentú.
- Treballar per l'asoziazionismo d'os chóbens, premitindo la empenta d'o mobimiento asoziatibo.